Mańǵystaýda bıyldyqqa alǵash ret úshem dúnıege keldi

AQTAÝ. QazAqparat - Mańǵystaý oblystyq perınataldyq ortalyǵynda úshem dúnıe esigin ashty, dep habarlaıdy QazAqparat oblystyq densaýlyq saqtaý basqarmasyna silteme jasap.

Bul - bıyl týǵan alǵashqy úshem. Eki qyz ben bir uldyń salmaǵy - 1 keli 520g, 2 keli 160 g jáne 2 keli 250 g.

- 27 sáýir kúni 2 qyz, 1 uldy dúnıege ákeldim. Búginde sábılerimniń jaǵdaıy jaqsy. Salmaq qosyp kele jatyr. Osy sátti paıdalanyp Ana men bala ortalyǵynyń dırektory Japyraq Keńeshanqyzy, Marııa Bekbergenqyzy, Baıan Óteýliuly, Gúlbaný Orazbaıqyzyna alǵysymdy jetkizgim keledi. Sonymen qatar, balalar dárigeri Gúlzada Smaǵulqyzyna rahmet aıtamyn,-deıdi úshemniń anasy Araıgúl Erǵalıeva.

Sábıler aq halattylardyń turaqty baqylaýynda.

Aldaǵy ýaqytta úshemder úıine shyǵarylady.

Aıta keteıik, jyl basynan beri Ana men bala perınataldyq ortalyǵynda 2089 náreste ómirge kelgen.

Onyń ​58-i - egizder, bireýi - úshem.