Mańǵystaýda bıyl 6 myńǵa jýyq adam koronavırýs juqtyrǵan
Mańǵystaý oblysyndaǵy epıdemıologııalyq ahýal turaqty. Qazirgi ýaqytta óńir «jasyl aımaqta». 2022 jyldyń qańtarynan búginge deıin 5786 adam koronavırýs ınfektsııasyn juqtyrǵan.
«Koronavırýs - búkil álemdi jaılaǵan dert. Onyń saldaryn da kórip júrmiz. Ózimizdiń jáne jaqyndarymyzdyń densaýlyǵy bizdiń qolymyzda. Sol sebepti óńir turǵyndaryn jeke gıgıena talaptaryn saqtaýǵa, dárýmender men mıneraldarǵa baı taǵamdardy tutynýǵa shaqyramyn. Adamdar kóp shoǵyrlanǵan jerlerge barmaýǵa keńes beremin. Sondaı-aq oblysta kovıdke qarsy vaktsına bar ekenin eske salǵym keledi» - deıdi Mańǵystaý oblystyq densaýlyq saqtaý basqarmasynyń basshysy Amanbek Jumyrov.
Turǵyndarǵa ınfektsııalyq 7 statsıonarda 108 tósek oryn daıyndalǵan. Statsıonarlarda naýqastar sany 14 jeltoqsanda 3 adam bolsa, búgin 12 adamǵa ıaǵnı 4 esege kóbeıdi.
Óńirge 707 680 doza vaktsına jetkizilgen.