Mańǵystaýda bıtým tıegen júk kóligi basyp ketken djıptiń júrgizýshisi aman qaldy

AQTAÝ. QazAqparat - Aqtaý-Jańaózen respýblıkalyq tas jolynda bıtým tıelgen júk kóligi saıǵa túsip ketti. Júk kóligi odan qarsy kele jatqan kólikti qaǵyp ketken, dep habarlaıdy QazAqparat tilshisi.

Oqıǵa 14 tamyz kúni saǵat 17:00 shamasynda bolǵan. Jol apatynyń vıdeosy búgin áleýmettik jelilerde tarady. Onda júk kóligi joldyń qarsy baǵytynda kele jatqan djıpti shetke qaraı qaǵyp, ústinen óte shyqqany túsip qalǵan. Alaıda jeńil kólik júrgizýshisi aman qalǵan. Bul aqparatty polıtsııa departamenti rastady.

«Júk kóliktiń júrgizýshisi rýlge ıe bola almaı, temir qorshaýǵa soǵylady. Sodan soń saıǵa túsip ketip, Toyota Land Cruiser Prado avtokóligimen qaqtyǵysqan». - dedi oblystyq polıtsııa basqarmasynyń baspasóz qyzmetinen.

Júk kóliginiń júrgizýshisine qatysty tıisti hattama toltyryldy.

Vıdeodan alynǵan kadr