Mańǵystaýda balabaqsha 100 myń teńgeniń prınterin 10,7 mln-ǵa satyp almaq boldy

AQTAÝ. QazAqparat - Mańǵystaýdaǵy balabaqsha memlekettik satyp alý portalynda prınterdiń bir danasyn 10,7 mln teńgeden almaq bolǵan, dep habarlaıdy QazAqparat tilshisi.

«Óńirde memlekettik satyp alýdy tıimsiz josparlaıtyn mekemeler bar. Mysaly, Túpqaraǵan aýdandyq bilim bólimine qarasty memlekettik balabaqshalardyń biri 32,1 mln teńgege 3 dana prınter satyp alýdy josparlaǵan. ıAǵnı, prınterdiń bir danasyn 10,7 mln teńgeden satyp alýdy kózdegen. Alaıda, joǵaryda kórsetilgen taýardyń naryqtaǵy quny - 100 myń teńge. Departament bergen usynym hattyń negizinde memlekettik satyp alý jospary qaıta qaralyp, 31 mln teńge qarajat únemdeldi»,-dedi sybaılas jemqorlyqqa qarsy qyzmet departamenti basshysynyń birinshi orynbasary Birjan Haırýllın.

Aıta keteıik, memorgandar men mekemelerdiń, kvazımemlekettik sektor sýbektileriniń satyp alatyn taýar nemese qyzmet baǵasyna monıtorıng memlekettik satyp alýdyń josparlaý satysynda jáne naryqtyq kórsetkishtermen salystyrý arqyly júrgiziledi.