Mańǵystaýda azyq-túlik baǵasyn retteý jumystary nashar júrgizilýde - Úkimet

ASTANA. QazAqparat – Mańǵystaý oblysynda azyq-túlik baǵasyn retteýge kózdelgen 2 mlrd teńge ıgerilmegen. Bul týraly Úkimet otyrysynda Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Mańǵystaý oblysynda áleýmettik mańyzy bar azyq-túlik taýarlary baǵasyn retteý jónindegi is-sharalardy taldaý barysynda baǵany turaqtandyrý tetikterin iske asyrýǵa kózdelgen 3,6 mlrd teńgeniń 2 mlrd teńgeni jumsamaǵany anyqtaldy. «Kaspıı» áleýmettik kásipkerlik korporatsııasy kókónisterdi jetkizýge jasaǵan 5 qoldanystaǵy sharttyń tek bireýi ǵana óndirýshimen, qalǵan 4 shart kóterme saýdagerlermen jasalǵan», - dedi Serik Jumanǵarın.

Onyń dereginshe, óńirlik komıssııalardyń otyrystarynda aımaqta jumys istep turǵan 60-qa jýyq kóterme saýdagerdiń ishinen tek 4 kóterme saýdagermen jumys júrgizilgen.

«Ónimsiz deldaldardy anyqtaý jáne joıý boıynsha jumys nátıje kórsetken joq. Jalpy, osy óńirdegi jańa tásilder aıasyndaǵy jumysty qanaǵattanarlyqsyz dep sanaımyz», - dedi ol.