Mańǵystaýda aýrýxanaǵa túsken sarbazǵa dıagnoz qoıyldy
Qoǵamdyq densaýlyqty saqtaý komıtetiniń aqparatyna sáıkes, PTsR taldaý menıgokokk ınfektsııasyn rastaǵan joq. Alaıda onyń jaǵdaıy áli de aýyr.
«Ol 24 qyrkúıek kúni naýqastanǵan. Eki kúnnen keıin áskerı bólimsheniń medıtsınalyq qyzmetine júgindi. Basym aınalady dedi, denesine bórtpe shyqqan. Sol kezde «sheshek» degen dıagnoz qoıyldy. 27 qyrkúıekte ony dermatolog qarap shyǵyp, áskerı gospıtalǵa jiberdi. Sonda respıratorlyq aýrýǵa shaldyqty degen dıagnoz qoıyldy. 30 qyrkúıekte onyń temperatýrysa qatty kóterilip ketti. Basy aınalyp, qusa bastady. Keshke qaraı oblystyq aýrýxananyń jansaqtaý bólimine jetkizilgen», - dedi epıdemıologııalyq baqylaý basqarmasynyń jetekshisi Roza Qojapova ınfektsııalyq aýrýlardyń aldyn alý shtabynyń otyrysynda.
Onyń aıtýynsha, sarbaz aýrýxanaǵa túskennen keıin áskerı bólimshede oǵan jaqyn júrgen barlyq adam tekseristen ótken. Tekserilgenderdiń jalpy sany - 350 adam. Sol kezde 18 adam densaýlyqtarynyń nasharlaǵanyn aıtty. 12 sarbaz birden ınfektsııalyq aýrýxanaǵa jetkizildi. Bir adamǵa sýyq tıgen eken. Qalǵan 11 sarbazda nazofarıngıt anyqtaldy. Taǵy 6 adam áskerı bólimsheniń ózinde emdeletin boldy.
Bas sanıtar Jandarbek Bekshınniń sózine qaraǵanda, Mańǵystaýdaǵy sarbazdyń dıagnozy - irińdi menıngıt.
«Menińshe, sondaı dıagnoz qoıylady. Ondaı aýrý streptokoktyń asqynýynan bolady. Bul menıgokokk ınfektsııasy emes. Іrińdi menıngıt - barlyq aýrýlardyń asqynǵan túri. Ondaı aýrý aýamen taramaıdy. Al menıgokokk ınfektsııasy aýamen taralady. Degenmen, irińdi menıngıt te adam ómirine óte qaýipti. Qazir onyń jaǵdaıy aýyr», - dedi J.Bekshın jýrnalısterge bergen suxbatynda.