Mańǵystaýda ashyq jáne jabyq bazarlardyń jumysyna ruqsat berildi

AQTAÝ. QazAqparat - Mańǵystaýda epıdemıologııalyq jaǵdaıdyń jaqsarýyna baılanysty kásipkerlik obektileriniń jumysyna salynǵan keı shekteýler alyndy, dep habarlaıdy QazAqparat tilshisi.

Jańa qaýlyǵa sáıkes, azyq-túlik jáne azyq-túlik satpaıtyn jabyq bazarlardyń kúsheıtilgen sanıtarlyq-dezınfektsııalyq rejımdi saqtaı otyryp jumys isteýine ruqsat etildi.

Sondaı-aq, kúsheıtilgen sanıtarııalyq-dezınfektsııalyq rejımdi saqtaı otyryp, azyq-túlik jáne azyq-túlik satpaıtyn ashyq bazarlar ashylady.

Kúsheıtilgen sanıtarlyq-dezınfektsııalyq rejımdi saqtaı otyryp, SOO, saýda úıleriniń, saýda jelileri, sanıtarlyq-dezınfektsııalyq rejımdi saqtaı otyryp, sport keshenderi, sporttyq-saýyqtyrý ortalyqtary, fıtnes ortalyqtary men ıoga ortalyqtarynyń qyzmeti janady.

Budan basqa, Mańǵystaý oblysynyń bas memlekettik sanıtarlyq dárigeri Ǵazız Nadýev memlekettik organdar, ulttyq kompanııalar, bıznes-ortalyqtar jáne basqa da keńse qyzmetkerleriniń 50 paıyzyn qashyqtan jumys isteý rejımine jáne 50 paıyzyn kúndizgi jumys rejımine aýystyrýdy qamtamasyz etýge qaýly etti.

Buǵan deıin qyzmetkerlerdiń 80 paıyzy «qashyqtyqtan jumys isteýge» jiberilgen bolatyn.

Qujat 9 mamyr saǵat 00:00-den bastap kúshine enedi.