Mańǵystaýda Amal merekesi xalyqaralyq deńgeıde toılanady

AQTAÝ. QazAqparat - Bıyl Amal merekesi halyqaralyq deńgeıde toılanady. Naýryzdyń 13-14-kúnderi Otpantaýdyń eteginde ótetin dástúrli jıynǵa Reseı, Ózbekstan, Túrkııa, noǵaı men qyrǵyz elinen aǵaıyndar kelmek, dep xabarlaıdy QazAqparat tilshisi.

Bıylǵy merekeniń basty ereksheligi - Elbasynyń «Uly dalanyń jeti qyry» maqalasyn negizge alýy. Aqtaýdan «Otpantaý» keshenine deıin atqa mingen kósh 140 shaqyrym joldy júrip ótedi. Al Otpantaýdyń basynda jyldaǵydaı dástúrli óner ókilderiniń kontserttik baǵdarlamasy, ulttyq sport túrlerinen jarystar, respýblıkalyq qolónershiler kórmesi ótedi.

«Amaldyń bıylǵy erekshelgi - Elbasy jarııalaǵan «Uly dalanyń jeti qyry» maqalasyn nasıhattaýǵa arnalady. Ózderińiz bilesizder, Elbasy bıylǵy jyldy jastar jyly dep jarııalady. «Otpantaý» kesheninde birlik oty jaǵylyp, sol birlik otyn bıyl jastarǵa etafeta retinde tapsyramyz», - deıdi oblystyq mádenıet basqarmasynyń basshysy Pánııa Sarmýrzına.