Mańǵystaýda aldaǵy bes jylda jol sapasy 99%-ǵa jaqsarady

AQTAÝ. QazAqparat - Búgin «Amanat» partııasynyń oblystyq máslıhat depýtattyǵyna úmitkerler Nýrı Týmyshev, Tımýr Tókenuly, Anar Shamshadınova, Raýshan Aımurzaeva, Irına Belıaeva «Qazaqteńizkólikfloty» UTKQK» JShS ujymymen kezdesti, dep habarlaıdy QazAqparat.

Kezdesýde Nýrı Lazaruly ujymdaǵy qyz-kelinshekterdi 8 naýryz - analar kúnimen quttyqtap, keıin partııanyń saılaýaldy baǵdarlamasyn túsindirdi.

Saılaýaldy baǵdarlamada jol sapasy týraly da aıtyldy.

- Qazirgi ýaqytta jaqsy jáne qanaǵattanarlyq jaǵdaıdaǵy jergilikti mańyzy bar joldardyń úlesi - 96%. Bul rette óńirdegi aýylishilik joldardyń 68,6 paıyzy jáne qalalyq joldardyń 23 paıyzy qanaǵattanarlyqsyz jaǵdaıda. Sondyqtan partııa avtojoldardyń sapasyn jaqsartý úshin 2027 jylǵa deıin birqatar is-sharalarǵa yqpal etpek. Onyń ishinde oblystyq jáne aýdandyq mańyzy bar 450 shaqyrym avtomobıl jolyn salý jáne rekonstrýktsııalaý, uzyndyǵy 250 shaqyrymnan asatyn oblystyq jáne aýdandyq mańyzy bar joldardy ortasha jóndeý, Jańaózen qalasynda jáne Munaıly, Mańǵystaý, Beıneý aýdandarynda keminde 600 shaqyrym aýylishilik jáne qalalyq qurylys, rekonstrýktsııalaý jáne ortasha jóndeý jumystary bar. Bul sharalar 2027 jylǵa qaraı jaqsy jáne qanaǵattanarlyq jaǵdaıdaǵy jergilikti mańyzy bar joldardyń úlesin 96%-an 99%-ǵa deıin ulǵaıtýǵa múmkindik beredi. Sondaı-aq qanaǵattanarlyqsyz jaǵdaıdaǵy aýylishilik joldar úlesin 68,6%-dan 59,3%-ǵa deıin jáne qalalyq joldar úlesin 23%-dan 13,6%-ǵa deıin tómendetedi, -dep atap ótti Anar Shamshadınova.

«Qazaqteńizkólikfloty» UTKQK» JShS - Qazaqstan boıynsha ulttyq teńiz tasymaldaýshy kompanııa.

Kompanııada búgingi kúni tankerler, súıretkishter, sonymen qatar iri kólemdi júkterdi tasymaldaýǵa arnalǵan kemeler jáne ártúrli maqsattarǵa kózdelgen barjalar bar.

Soǵan sáıkes, «Qazaqteńizkólikfloty» UTKQK» JShS elimizdegi keme qatynasynyń asa joǵary halyqaralyq qaýipsizdik jáne sapa standarttaryna sáıkes keletin asa tıimdi jáne joǵary rentabeldi kompanııa.

Óńir úshin ǵana emes, elimiz úshin asa mańyzdy kompanııa ujymy kezdesýde saılaýaldy baǵdarlamamen jan-jaqty tanysyp, aldaǵy 5 jylda atqarylatyn jumystarǵa oń baǵasyn berdi jáne saılaýda daýys beretinin jetkizdi.

Mańǵystaý oblystyq máslıhaty depýtattarynyń saılaýynda partııalyq tizimdi usynǵan «AMANAT» partııasy saılaý qorynyń qarajatynan tólendi.