Mańǵystaýda aqqýlardyń jappaı qyrylýyna qus tumaýy sebep bolǵan

AQTAÝ. QazAqparat - Mańǵystaý oblysynda aqqýlardyń jappaı qyrylýyna qus tumaýy sebep bolǵan, dep habarlaıdy QazAqparat.

Eske sala keteıik, Mańǵystaý oblysynyń Aqtaý qalasynan 20 shaqyrym jerde, Qarakól kóliniń jaǵasynda aqqýlar jappaı qyrylǵan bolatyn.

Keıinnen mamandar Qarakólde aqqýlardyń qyrylýyna qatty aıaz sebep bolýy múmkin ekenin aıtty.

Olaryń pikirinshe, Qarakólde óli tabylǵan aqqýlardyń barlyǵy áli bir jyl bolmaǵan jas, olar qatty aıazǵa shydamaǵan bolýy múmkin.

Synama alynyp, Veterınarııa jónindegi ulttyq referenttik ortalyqqa jiberildi.

21 jeltoqsanda ólgen qustardan qus tumaýyna alynǵan patologııalyq materıaldary oń nátıje kórsetti.

Qarakól - jabaıy qustardyń osy túri ushý jolynda turaqtaıtyn aýmaqtyń biri.

Muz buǵaýlarynan Qazaqstannyń búkil aýmaǵynda tirshilik etetin aqqýlar tabyldy.