Mańǵystaýda 6 qarjy pıramıdasyna qylmystyq is qozǵaldy

AQTAÝ. QazAqparat - Mańǵystaýda 20 myńǵa jýyq turǵyn áleýmettik jelide 36 zańsyz qarjy pıramıdasyna tirkelgen. Ekonomıkalyq tergeý departamenti ótken jyly qarjy pıramıdasyn uıymdastyrý deregi boıynsha 6 qylmystyq is qozǵady, dep habarlaıdy QazAqparat tilshisi.

Keıbir qarjy pıramıdasy ózin halyqaralyq kompanııanyń fılıaly retinde kórsetip, ádilet organdarynda tirkeýsiz jumys istegen.

Mysaly World Business Consulting qarjy pıramıdasynyń jumys shemasy «50-den 50-ge» baǵdarlamasy boıynsha aqsha salýdan turǵan.

Alaıaqtyq jolmen salymshylar men «Eýrazııa Kapıtal» mıkroqarjy uıymy» JShS arasynda jalǵan sharttar jasalǵan.

Onda qarjylyq pıramıda uıymdastyrýshysy aı saıyn berilgen qaryz boıynsha árbir sharttan paıyzdyq ústemeaqy alǵan.

Іs sheńberinde jalpy quny 651 mln teńge bolatyn múlik buǵattaldy.

«Qazirgi ýaqytta is sotta qaralyp jatyr. «Atameken 2021» basshylyǵyna qatysty is boıynsha G.Shagırovaǵa 28 adam shaǵym bildirip, salymnyń jalpy somasy 48 mln teńgeni qurady. Іs barysynda salymshylarǵa 44 mln teńge óteldi», - deıdi Mańǵystaý oblysy ekonomıkalyq tergeý departamentiniń aǵa tergeýshisi Berdi Qýanyshuly.