Mańǵystaýda 24 myń adam avtobýsta tegin júredi

AQTAÝ.QazAqparat - Mańǵystaýda 24 myń adam qoǵamdyq kólikte tegin qatynaıdy. Azamattar aqysyz júrý kýáligin 12 sanat boıynsha alǵan, dep habıýarlaıdy |QazAqparat tilshisi.

Turǵyndarǵa beriletin jeńildik pen avtobýs sanyn kóbeıtý jumysy jalǵasyp jatyr.

Halyqtyń bul qajettiligin óteý úshin jyl sońyna deıin aımaqqa 120 jańa avtobýs jetkizilmek.

«120 avtobýstyń 70-i osy Aqtaý qalasynyń ishine, qalǵan 50-i aýdanaralyq marshrýttarǵa qatynaıdy dep josparlap otyrmyz. Aqtaý qalasyn tolyq qamtamasyz etemiz, al aýdandardy 80 paıyzǵa jetkizemiz degen jospar bar»,- deıdi Mańǵystaý oblystyq jolaýshylar kóligi jáne avtomobıl joldary basqamasynyń basshysy Adaıbek Qalıev.

Jalpy Aqtaýdaǵy avtobýstarda jolaýshylar 12 sanat boıynsha tegin tasymaldanady.

Sonyń alty sanatyndaǵy turǵyndar qalalyq tasymaldaýshylardyń esebinen júredi. Taǵy altaýynyń shyǵynyn óteýge jergilikti bıýdjetten qarajat bólingen.

Tegin júretinder qatarynda múmkindigi shekteýli jandar, kóp balaly analar, shahardyń qurmetti azamattary, soǵys jáne tyl ardagerleri bar.