Mańǵystaýda 232 adam kólik júrgizý quqyǵynan aıyryldy

NUR-SULTAN. QazAqparat – Mańǵystaý oblysynda jyl basynan beri 232 adam kólik júrgizý quqyǵynan aıyrylyp, ákimshilik qamaýǵa alyndy. Bul týraly aımaq basshysynyń tóraǵalyǵymen ótken quqyq buzýshylyqtyń aldyn alý jónindegi vedomstvoaralyq komıssııanyń otyrysynda aıtyldy, dep habarlaıdy QazAqparat Mańǵystaý oblysy ákimdiginiń resmı saıtyna silteme jasap.

Mańǵystaý oblysy polıtsııa departamentiniń bastyǵy Aıan Dúısembaevtyń baıandaýynsha, osy jyldyń 4 aıynda 42 900 quqyq buzýshylyq anyqtalyp, 300 mln teńge kóleminde aıyppul salynǵan. Sonyń ishinde jol erejesin buzǵan júrgizýshilerdiń aıyppuly - 218 mln teńge. Sonymen qatar, 232 adam kólik júrgizý quqyǵynan aıyrylyp, ákimshilik qamaýǵa alynǵan.

Komıssııa otyrysynda «Qaýipsizdikti qamtamasyz etýdiń servıstik tásilderin engizý» jobasyn iske asyrý, jol qaýipsizdigin qamtamasyz etý jáne joldardyń ınfraqurylymyn jaqsartý máseleleri talqylandy.

Oblysta qazir jol erejelerin buzý faktilerin avtomatty túrde esepke alatyn 19 tehnıkalyq qural ornatylǵan. Aqtaý qalasynda – 16, Jańaózen qalasynda – 3 qural jumys istep tur.

Aımaq basshysy Nurlan Noǵaev eldi mekender arasyndaǵy joldarǵa ıntellektýaldy beınebaqylaý júıesin engizýdi jedeldetýdi tapsyrdy.

Eske salsaq, Mańǵystaýda 7 mektep túlegi jol-kólik oqıǵasynan zardap shekti.