Mańǵystaýda 20 qarasha kúni avtobýs jolaýshylary tegin tasymaldanady

AQTAÝ. QazAqparat – Kezekten tys prezıdent saılaýy ótetin kúni, ıaǵnı 20 qarashada Mańǵystaý oblysyndaǵy Aqtaý qalasy men Túpqaraǵan jáne Munaıly aýdandarynda avtobýspen júrý tegin bolady, dep habarlaıdy QazAqparat tilshisi.

«Qala ishinde de, aýdanaralyq baǵyttarda da tegin jol júrý uıymdastyrylady», - deıdi Mańǵystaý oblysy jolaýshylar kóligi jáne avtomobıl joldary basqarmasynyń basshysy Adaıbek Qalıev.

Bul – №103, №104, №105, №106, №107, Aqtaý-Batyr, Aqtaý-Qyzyl-Tóbe-2, Aqtaý-Aqshuqyr, Aqtaý-Saıyn-Shapaǵatov jáne qalalyq №2, 3, 4, 4M, 5, 7, 8 baǵytyndaǵy avtobýstar.

Qoǵamdyq kólikter bul kúni ádettegi keste boıynsha saǵat 6:00-den 20:00-ge deıin qatynaıdy.