Mańǵystaýda 15 ıtbalyq pen bekirelerdiń óleksesi tabyldy
22:23, 10 Mamyr 2023
AQTAÝ. QazAqparat – Mańǵystaý oblysy Túpqaraǵan aýdany Baýtıno aýyly mańynan 15 óli ıtbalyq pen 4 bekire balyǵynyń óleksesi tabyldy. Balyqshylar olardy beınejazbaǵa túsirip, áleýmettik jelige jarııalady, dep habarlaıdy QazAqparat tilshisi.
«Jaıyq-Kaspıı» oblysaralyq balyq sharýashylyǵy basseındik ınspektsııasy, oblystyq ekologııa departamenti, veterınarııa ınspektsııasy, Qazgıdromet jáne jergilikti atqarýshy organ ókilderi oqıǵa ornyna bardy.
Alaıda ekologtar atalǵan jerden synama ala alamaǵan. Óıtkeni teńiz janýarlarynyń qańqasy shirip ketken.
«15 ıtbalyq pen 4 bekire balyǵy denesiniń ydyraý deńgeıi óte joǵary, synama alýǵa múmkindik bolmady. Bul - bıyl tirkelgen úshinshi jaǵdaı. Barlyǵynda da ólekse eskirip, shirip ketken», - deıdi Mańǵystaý oblystyq balyq ınspektsııasy basqarmasynyń basshysy Jaqsyǵalı Іzdibaev.
Qazir atalǵan jaǵdaıǵa baılanysty qylmystyq is qozǵalyp, mamandar janýarlardyń qyrylý sebebin anyqtap jatyr.