Mańǵystaýda 140 myńnan astam adam vaktsına aldy
Bul týraly Qoǵamdyq kommýnıkatsııa ortalyǵynda ótken brıfıngide Mańǵystaý oblysy sanıtarııalyq-epıdemıologııalyq baqylaý departamentiniń basshysy Ǵazız Nadýev málim etti.
Onyń aıtýynsha oblysta aýrý deńgeıiniń kórsetkishi tómendep keledi. Degenmen Aqtaý qalasynda epıd ahýal órship tur. Máselen, Aqtaý qalasynda ótken aptada 910 jaǵdaı tirkelse, sońǵy aptada 994 jaǵdaı tirkelgen. Bul adamdardyń kóp shoǵyrlanýy, tyǵyz qarym-qatynasta bolýynyń sebebinen týyndap otyrǵandyǵyn jetkizdi.
«Aýrý deńgeıiniń kórsetkishin aýdan men qaladan taldaıtyn bolsaq Aqtaý qalasynyń aýrý kórsetkishi 1,1 esege joǵary. Al, Jańaózen qalasynda 1,9 Túpqaraǵanda 1, Qaraqııada 2, Mańǵystaý aýdanynda 2, Beıneýde 1,5 Munaıly aýdanynda 1,7 esege tómendegen. Balalar arasynda báseńdeý baıqalady. Ótken aptada 233 bala aýyrǵan bolsa, sońǵy aptada 210-ǵa tústi. 60 jastan joǵary kisilerden de tómendeý baıqalady. Máselen, aldyńǵy aptada 317 naýqas tirkelse, osy aptada onyń sany 274 qurap otyr»,-dedi Ǵazız Nadýev.
Baspasóz konferentsııasyna Mańǵystaý oblysy densaýlyq saqtaý basqarmasynyń basshysy Amanbek Jumyrov qatysty. Qazir aýla aralaý jumystary boıynsha 17 júrmeli brıgada 159 adamǵa ekpeni úıden saldy.
«Qazirgi ýaqytta mobıldi toptar shaqyrtý boıynsha úıden 5130 adamǵa qyzmet kórsetti. Úı jaǵdaıynda pnevmonııaǵa qarsy em qabyldap jatqandar sany 631, jiti respıratorlyq vırýstyq ınfektsııaǵa qarsy 2006 adam emdelýde. Degenmen óńir boıynsha qaýipti indetke qarsy ekpe alý deńgeıi tómen»,-dedi Amanbek Jumyrov.