Mańǵystaýda 120 keliden asatyn bekire balyǵy tárkilendi
«Brakoner» respýblıkalyq jedel-profılaktıkalyq is-sharasy barysynda bıyl 10 naýryzda Mańǵystaý oblysy PD patrýldik polıtsııa rotasynyń qyzmetkerleri Aqtaý-Fort-Shevchenko tas jolynyń 29-shy shaqyrymynda tabıǵatty qorǵaý polıtsııasymen birlesip Lada 2112 markaly kúdikti avtokólikti toqtatty. Avtokólikti tekserý barysynda júksalǵyshta jalpy salmaǵy 124 keli bolatyn 33 dana zańsyz aýlanǵan bekire balyǵy tabylyp, tárkilendi»,-delingen habarlamada.
Polıtseıler 26 jastaǵy kúdiktini ustady. Tárkilengen balyq «Kazakh Osetr» JShS-ne tapsyryldy. Ózge aqparat tergeý múddesi úshin jarııa etilmeıdi.
Bul derek QR QK 339-baby (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha Túpqaraǵan aýdany polıtsııa bóliminiń sotqa deıingi tergep-tekserýdiń biryńǵaı tiziliminde tirkelgen.