Mańǵystaýda 100 myń oqýshy bos ýaqytynda úıirmege qatysady

AQTAÝ. QazAqparat – Mańǵystaýda 100 myńǵa jýyq bala bos ýaqytyn tıimdi ótkizip júr. Olar 11 qosymsha bilim berý uıymy men 3 myńǵa jýyq úıirmege barady, dep habarlaıdy QazAqparat tilshisi.

Óńirdegi 3 oqýshy ortalyǵy men shyǵarmashylyq úıindegi úıirmeler aqysyz. Al, 8 óner mektebi aqyly qyzmet kórsetedi. Baǵasy 1700-2000 teńge aralyǵynda. Qosymsha bilim berý uıymdarynyń janynan ashylǵan aýla klýbtaryna da tegin qatysýǵa boldy.

«Árbir bizdiń bilim alýshymyz, jasóspirimderimiz bos ýaqytynda sporttyq bolsyn, shyǵarmashylyq, óner, týrızm, ekologııa bolsyn, túrli baǵyttaǵy ózderiniń qyzyǵýshylyqtaryna qaraı úıirmelerge qatysady. Bilim salasyndaǵy aýqymdy baǵdarlamalar aıasynda da jumystar jasalyp jatyr», - dedi Mańǵystaý oblystyq bilim basqarmasy basshysynyń orynbasary Aıjaqsy Turjanova.

Aıta keteıik, Aqtaýda salynyp jatqan oqýshylar saraıy maýsym aıynda paıdalanýǵa beriledi. Kúnine 1000-nan asa balaǵa arnalǵan ǵımaratta sporttyq-tehnıkalyq aımaq, modelderdi synaýǵa arnalǵan ushyrý alańdary bolady. Sonymen qatar, sýret, horeografııa, mýzyka synyby, kórme zaly, dybys jazý stýdııalary josparlanǵan.