Mańǵystaýda 1,5 myń adam janýarlardan zardap shekken

AQTAÝ. QazAqparat – Ótken jyly 1500-den astam mańǵystaýlyq janýarlardyń tisteýi men tyrnaýynan zardap shekken. Olardyń barlyǵyna antırabııalyq ekpe salynǵan, dep habarlaıdy QazAqparat tilshisi.

Spıkerdiń aıtýynsha, indet qozdyrǵyshy saý adamǵa jáne malǵa qutyrǵan ıtten, qasqyrdan, túlkiden, qarsaqtan, mysyqtan tistegen ýaqytta silekeı arqyly juǵady. Atalǵan aýrýǵa shaldyqqanda tistegen jer aýyryp, ysıdy. Alqynyp demalyp, túri jańa jylaǵan adam sııaqty bolady. Aýzynyń silekeıi qoıýlanyp, jelimdene beredi. Adamdy úreı bıleıdi, ashýlanshaq keledi, qutyrynyp alas urady, sýdan qorqady, talmasy ustap, denesi qurysyp sal bolyp qalady.

«Aýrýdyń tez órshýi jaraqattyń tereńdigi men ondaǵy vırýstyń mólsherine tyǵyz baılanysty. Sondyqtan, janýarlardan zardap shekken jaǵdaıda jaraqat ornyn sabyndy taza sýmen jýý kerek. Sodan keıin jaraqat aınalasyn spırtti eritindimen zalalsyzdandyryp, medıtsınalyq mekemege júginip, antırabııalyq ekpe alý qajet. Qutyrma aýrýynyń aldyn alý jáne ólimnen qutqarýdyń jalǵyz ádisi – qutyrýǵa qarsy ekpe alý», - deıdi oblystyq sanıtarııalyq-epıdemıologııalyq baqylaý departamenti basshysynyń orynbasary Berdibek Saraltaev.

2022 jyldyń kúz aılarynda oblys boıynsha barlyǵy 59 310 janýarǵa qutyrmaǵa qarsy vaktsına salynǵan. Onyń ishinde múıizdi iri qara – 5 450, usaq mal – 19 400, jylqy – 8 250, túıe – 22 980, ıt – 2 900 jáne 330 mysyqqa otandyq preparat «Bıotron Grýpp» JShS vaktsınasy qoldanylǵan.

Foto: media.canal3.md