Mańǵystaý jastarynan Prezıdenttik kadrlyq rezervke ótinim qabyldaý bastaldy

AQTAÝ. QazAqparat – Mańǵystaý oblysynda Prezıdenttik jastar kadr rezervine ótinimderdi qabyldaý bastaldy. Bul týraly Óńirlik kommýnnıkatsııalar qyzmetinde QR Memlekettik qyzmet isteri agenttiginiń óńirlik departamenti basshysynyń orynbasary Qaırat Báıgebaev málim etti, dep habarlaıdy QazAqparat.

Qujattardy qabyldaý úshin avtomattandyrylǵan onlaın-platforma iske qosyldy. Ony qoldaný jeńil ári óte yńǵaıly.

Prezıdenttik jastar kadr rezervine irikteýge qatysty maǵlumatty saıttyń basty betindegi ınfografıkadan bilýge bolady. Onda irikteýge kimder qatysa alatyndyǵy, ýaqyty men irikteý kezeńderi jazylǵan.

Tirkeý tártibi barynsha jeńildetilgen.

«Úmitkerge mindetti túrde óziniń jeke málimetterin, aty-jónin, tegin, JSN, irikteý kezeńderinen ótýge qolaıly tildi tańdap óziniń uıaly telefony men elektrondyq poshtasyn kórsetý qajet. Sonymen qatar, aqparattardy óńdep saqtaý týraly kelisimmen tanysyp, tıisti talaptardy qabyldaýy kerek. Talaptardy qabyldamaıynsha úmitker Prezıdenttik jastar kadr rezervine qatysa almaıdy», - delingen Óńirlik kommýnnıkatsııalar qyzmeti taratqan aqparatta.

Kadrlyq rezervke alyný úshin úmitkerlerge bar bolǵany PKRezerv.kz. saıtyna tirkelý qajet.