Mańǵystaý túlekterine qosymsha 6 myń bilim granty bólindi

AQTAÝ. QazAqparat - Respýblıkalyq bilim granttarymen qatar, Atyraý jáne Mańǵystaý oblysynyń túlekterine qosymsha 10 myń grant bólindi. Búgin qoǵamdyq kommýnıkatsııa ortalyǵynda ótken brıfıngte birneshe oqý ornynyń ókilderi tanystyrylym jasady, dep habarlaıdy QazAqparat.

Osyǵan deıin, Mańǵystaý túlekteri úshin elimizdiń 43 bedeldi joǵary oqý ornyna pedagogıka jáne tehnıkalyq mamandyqtarǵa 6 000 bilim granty taǵaıyndalǵany habarlanǵan.

Búgin brıfıngte Sh. Ýálıhanov atyndaǵy Kókshetaý ýnıversıteti, Súleıman Demırel atyndaǵy ýnıversıteti (Almaty), A. Baıtursynov atyndaǵy Qostanaı óńirlik ýnıversıteti, E.A. Bóketov atyndaǵy Qaraǵandy memlekettik ýnıversıteti, Qazaq ulttyq agrarlyq zertteý ýnıversıteti, Logıstıka jáne kólik akademııasy, Pavlodar pedagogıkalyq ýnıversıteti, D. Serikbaev atyndaǵy Shyǵys Qazaqstan tehnıkalyq ýnıversıtetiniń ókilderi keldi.

Olar joǵary oqý oryndary týraly aqparatpen tanystyrdy.

Máselen, Qazaq ulttyq agrarlyq zertteý ýnıversıteti 5 mamandyqqa bólingen granttardy atap ótti.

- Mańǵystaý oblysynyń túlekterine arnalǵan 5 bilim tobyna aqparattyq tehnologııalarǵa – 15 oryn, elektr tehnıkasy jáne energetıka – 19 oryn, elektr tehnıkasy jáne avtomattandyrý – 19 oryn, mehanıka jáne metall óńdeý – 15 oryn, avtokólik quraldary – 6 oryn, azyq túlik ónimderiniń tehnologııasy – 10 oryn bólinip otyr. Bilim alýshylardy áleýmettik-turmystyq qoldaý maqsatynda 10 stýdenttik úı qyzmet kórsetedi, - dedi Jansaıa Tókenova.

Al, Súleımen Demırel ýnıversıtetine Atyraý-Aqtaý kvotasy boıynsha 56 grant bólingen.