Mańǵystaý: Tabıǵı monopolııalardy retteý departamentiniń basshysy jumystan bosatyldy

ASTANA. QazAqparat - Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetinde Aqordada ótken Qaýipsizdik keńesiniń otyrysynan keıin ortalyq apparattyń jáne onyń óńirlik departamentteriniń basshylary jaýapkershilikke tartyldy, dep habarlaıdy QazAqparat QR Ulttyq ekonomıka mınıstrliginiń baspasóz qyzmetine silteme jasap.

7 qarashada Aqordada ótken Qaýipsizdik keńesiniń otyrysynda Memleket basshysy bergen monopolııaǵa qarsy vedomstvonyń jumysyn tártipke keltirý bóliginde tapsyrmasyn oryndaý sheńberinde QR Ulttyq ekonomıka mınıstri Tımýr Súleımenov QR Bas prokýratýrasy kommýnaldyq qyzmetterge tarıf belgileý salasynda anyqtalǵan buzýshylyqtar boıynsha QR UEM Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń jáne onyń aýmaqtyq bólimsheleriniń laýazymdy tulǵalaryn jaýapkershilikke tartý máselesin qarady. 

Osylaısha, komıtettiń aýmaqtyq bólimsheleriniń mynadaı laýazymdy tulǵalaryna qatysty sógis jarııalaý túrinde jazalaý sharasy qoldanyldy:
- Komıtettiń Pavlodar oblysy boıynsha departamenti basshysynyń orynbasary;
- Komıtettiń Shymkent qalasy boıynsha departamenti basshysynyń orynbasary;
- Komıtettiń Jambyl oblysy boıynsha departamentiniń basshysy;
- Komıtettiń Soltústik Qazaqstan oblysy boıynsha departamentiniń basshysy;
- Komıtettiń Aqmola oblysy boıynsha departamenti basshysynyń orynbasary;
- Komıtettiń Aqtóbe oblysy boıynsha departamentiniń basshysy;
- Komıtettiń Astana qalasy boıynsha departamentiniń basshysy;
- Komıtettiń Qaraǵandy oblysy boıynsha departamentiniń basshysy;
- Komıtettiń Qyzylorda oblysy boıynsha departamenti basshysynyń orynbasary;
- Komıtettiń Almaty oblysy boıynsha departamenti basshysynyń orynbasary.

Sonymen qatar, komıtettiń Mańǵystaý oblysy boıynsha departamentiniń basshysy atqaratyn laýazymynan bosatyldy. 
Al, monopolııaǵa qarsy vedomstvonyń máselelerine jetekshilik etetin QR Ulttyq ekonomıka vıtse-mınıstri Serik Jumanǵarınge jáne komıtet tóraǵasy Azamat Maıtıevke sógis jarııalandy.