Mańǵystaý polıtsııasynda 30-dan astam jup qyzmet atqarady
23:34, 15 Mamyr 2023
AQTAÝ. QazAqparat – Mańǵystaý oblystyq Polıtsııa departamentinde jáne oǵan qarasty qala jáne aýdandyq polıtsııa bólimderinde 30-dan astam polıtseı jup qyzmet atqarady, dep habarlaıdy QazAqparat tilshisi.
Juptardyń keıbiri qyzmet aıasynda júrip, tanysyp, tabysqan.
Polıtseı juptardyń ózge de otbasylyq juptardan ereksheligi – olar otbasy jaılylyǵyn sezinip, turmys jaǵdaılaryn birge sheship qana qoımaı, qıyn da aýyr qyzmetti qatar atqarady. Mundaı otbasynda ósken juptardyń balalary da qatal tártip pen otansúıgishtik, adaldyqqa umtylyp ósedi.
«Otbasy – syılastyq, jarastyq ornaǵan orta, kishkentaı Otan. Otbasy – myqty memlekettiń negizi. Mańǵystaýlyq polıtseıler barsha qazaqstandyqtardy 15 mamyr – Halyqaralyq otbasy kúnimen quttyqtaıdy. Ár úıde beıbitshilik, jaqsylyq, qýanysh pen baqyt ornasyn», - dedi Mańǵystaý oblystyq Polıtsııa departamentiniń baspasóz qyzmetinen.