Mańǵystaý óńirinde saılaýdyń alǵashqy saǵattarynda 16 sábı dúnıege keldi

AQTAÝ. QazAqparat - Búgin Mańǵystaý oblysynda saılaýdyń alǵashqy saǵattarynda 16 náreste dúnıege keldi. Onyń beseýi - ul jáne on biri - qyz, dep habarlaıdy QazAqparat tilshisi.

Statıstıkaǵa súıensek, sońǵy jyldary oblysta uldar kóp dúnıege kelgen.

Al búgin qyzdar sany eki ese kóp. Alaıda perınataldy ortalyq mamandary kún batqansha jaǵdaı áli de ózgerýi múmkin dep otyr. Sebebi, bul saǵat 00:00-den 08:30-ǵa deıingi derekter.

Aıta keteıik, perzenthanadaǵy jas analar da kezekten tys prezıdent saılaýyna qatysa alady.

Oblysta barlyǵy 8 aýmaqtyq saılaý komıssııasy jáne 243 ýchaskelik saılaý komıssııasy jumys isteıdi. Oblys ortalyǵy – Aqtaý qalasynda 83 saılaý ýchaskesi ornalasqan. Óńirdegi elektorat sany – 411 103 adam. Turǵylyqty tirkeýi joq azamattar úshin 5 daýys berý ýchaskesi ashyldy.