Mańǵystaý oblysynyń bas sanıtar dárigeriniń jańa qaýlysy jarııalandy

AQTAÝ. QazAqparat - Mańǵystaý oblysy bas memlekettik sanıtar dárigeriniń jańa qaýlysy jarııalandy, dep habarlaıdy QazAqparat tilshisi.

№19 qaýly Ashyq jobasyna qatysatyn kásipkerlik obektileriniń qyzmetindegi ózgeristerge qatysty.

Jańa qaýly boıynsha 28 tamyzdan bastap Ashyq jobasyna qatysatyn obektilerdiń demalys kúnderi saǵat 00:00-ge deıin «jasyl mártebe» bolǵan jaǵdaıda (vaktsınatsııalaý nemese turaqty medıtsınalyq qarsy kórsetilimderi bar, sońǵy úsh aı ishinde aýyryp jazylǵan adamdarda teris nátıjesi bar PTR-testiniń bolýy) qyzmetkerler men kelýshilerdiń kirýine ruqsat etiledi.

Al oblysaralyq jáne oblysishilik turaqty tasymalǵa, qonaq úıge, áýejaıǵa, temirjol vokzalyna, bilim berý obektisine, JOO-larǵa, kolledj, ınternattarǵa jáne bilim berý uıymdarynyń jataqhanasyna kirý úshin «Jasyl mártebe» bolý talaby qoıylmaıdy.

Senbi kúnderi qalaishilik qoǵamdyq kólikterdiń qozǵalysyna ruqsat etiledi. 30 tamyzdan bastap Ashyq jobasyna qatysatyn bıznes nysandary jumys kúnderi saǵat 00:00-ge deıin jumys isteı alady.