Mańǵystaý oblysynyń Bas memlekettik sanıtarııalyq dárigeriniń jańa qaýlysy shyqty
00:16, 30 Naýryz 2021
AQTAÝ. QazAqparat - Mańǵystaý oblysynyń Bas memlekettik sanıtarııalyq dárigeriniń 2021 jylǵy 29 naýryzdaǵy №5 QAÝLYSY shyqty, dep habarlaıdy QazAqparat tilshisi óńirdiń qoǵamdyq kommýnıkatsııa ortalyǵyna silteme jasap.
«Mańǵystaý oblysynyń aýmaǵynda koronavırýs ınfektsııasynyń aldyn alý týraly» Mańǵystaý oblysynyń bas memlekettik sanıtarııalyq dárigeriniń 2021 jylǵy 06 naýryzdaǵy #3 qaýlysyna ózgerister engizildi.
Qaýlyǵa saı Mańǵystaýda 2021 jyldyń 1 sáýirinen bastap jalpy bilim beretin mektepterde barlyq synyptardyń oqýshylaryn balalar sanyn 25 adamnan asyrmaı aralas formatta oqytý kózdelgen.
Kúsheıtilgen sanıtarııalyq-dezınfektsııalyq rejımdi saqtaı otyryp, mektepke deıingi balalar mekemeleriniń qyzmetine toptardy biriktirip, is-sharalar ótkizbesten, ata-analardy jáne erip júretin adamdardy kirgizbesten jumys isteýge ruqsat etiledi.