Mańǵystaý oblysynyń ákimi 120-dan astam ardagerlerdi quttyqtady

AQTAÝ. QazAqparat - Uly Jeńistiń 72 jyldyǵyna arnalǵan merekelik is-sharalar baǵdarlamasynyń aıasynda Mańǵystaý oblysynyń ákimi Eraly Toǵjanov Otan qorǵaýshylardy meıramhanaǵa shaqyryp qurmet kórsetti. Qonaqtardyń qatarynda 120-dan astam adam bar, dep habarlaıdy QazAqparat.

Kezdesýge 10 Uly Otan soǵysynyń ardageri, 23 aýǵan soǵysynyń qatysýshysy jáne 24 Tájikstandaǵy soǵystyń ardagerleri men Chernobyldaǵy ekologııalyq apattan soń memleket qaýipsizdigin qamtamasyz etý isimen aınalysqan 24 jaýynger bar. Sonymen qatar Semeı ıadrolyq synaq polıgonynyń erekshe qaýip bólimshesiniń ardagerleri men múgedekteri jáne kúsh-qýat qurylymdarynyń 16 ókili bar.

 
«Búgin, 9 mamyr - Jeńis kúni. Bul soǵys bizdiń elimizdiń qazirgi tarıhyndaǵy eń bir kúrdeli kezeńderdiń biri boldy. Jeńiske jetý ońaı bolǵan joq. Bul beıbitshilik jolyndaǵy jankeshtilik bolatyn. Búgin bizdiń aramyzda Uly Otan soǵysy men aýǵan soǵysynyń, tájik qaqtyǵysynyń ardagerleri, Chernobyl apatynyń saldarymen kúresýshiler bar. Biz tarıhty umytpaýǵa tıistimiz. Bul bizdiń álem endi qantógis degendi bilmesin degen nıetten týǵan bolashaq jolyndaǵy tarıhymyz»,-dedi Mańǵystaý oblysynyń ákimi Eraly Toǵjanov kezdesýde.