Mańǵystaý oblysynyń 300-ge jýyq kásipkeri «Ashyq» jobasynyń qatysýshysy atandy
16:27, 09 Maýsym 2021
NUR-SULTAN. QazAqparat - «Ashyq» jobasy Mańǵystaý oblysynyń aýmaǵynda 21 sáýirden beri jumys isteýde, dep habarlaıdy QazAqparat QR Densaýlyq saqtaý mınıstrliginiń santıarlyq-epıdemıologııalyq baqylaý komıtetine silteme jasap.
«Búgingi tańda Mańǵystaý oblysynda 320 kásipker «Ashyq» jobasyna qatysýǵa ótinish berip, olardyń 299-y QR-kodtardy júktegen. Taǵy 58 nysan atalmysh joba aıasynda test rejıminde jumys istep jatyr.
Jobaǵa qosylǵan nysandar kásipkerliktiń barlyq salalaryn qamtıdy.
Aıta keteıik, baǵdarlama engizilgen sátten bastap óńirdegi «Ashyq» jobasyna qatysatyn nysandarda «sary» statýsy bar 6 adam jáne «qyzyl» statýsy bar 17 adam anyqtalǵan»,-delingen habarlamada.