Mańǵystaý oblysynda jyl basynan beri 18 balanyń quqyǵy qorǵaldy

AQTAÝ. QazAqparat - Mańǵystaýda jyl basynan beri 18 balanyń quqyǵy qorǵaldy, dep habarlaıdy QazAqparat tilshisi. Bul týraly oblystyq bilim salasynda sapany qamtamasyz etý departamenti basshysynyń orynbasary Táttimbet Jumalıev málim etti.

Onyń aıtýynsha, departament balalardyń quqyǵyn qorǵaý boıynsha jylyna bir ret bilim berý, densaýlyq saqtaý salasyna, jetim jáne ata-ananyń qamqorlyǵynsyz qalǵan balalarǵa, arnaıy bilim uıymdaryna monıtorıng júrgizedi.

«Monıtorıng tobynyń basty maqsaty - bala quqyqtaryna baılanysty týyndaǵan máselelerdiń ýaqytyly sheshilýine yqpal etý. Kez kelgen azamat QR Bala quqyqtaryn qorǵaý komıteti bekitken BALA QORGAU telegram kanaly arqyly tolǵandyrǵan suraǵyn qoıa alady. Oblysta bala quqyǵynyń qorǵalýyna baılanysty aýdan-qalalardan 18 turǵynnyń aryzy túsip, zań aıasynda qorǵaldy»,-dedi Táttimbet Jumalıev.

QR Bilim jáne ǵylym mınıstrliginiń tapsyrmasyna sáıkes, oblystaǵy bilim mekemelerindegi beınebaqylaý kamerasy men ájethanalardyń ornalasýyna baılanysty monıtorıng júrgizildi.

Bala quqyqtaryna baılanysty másele týyndaǵan jaǵdaıda departamenttiń 40-01-30 telefonyna habarlasýǵa bolady.