Mańǵystaý oblysynda jastarǵa arnalǵan alǵashqy saıt jumysyn bastady
11:06, 23 Tamyz 2022
AQTAÝ. QazAqparat – Mańǵystaý oblysynda jastarǵa arnalǵan alǵashqy saıt jumysyn bastady, dep habarlaıdy QazAqparat tilshisi.
«Mańǵystaý oblysynda jastarǵa arnalǵan saıt, ınternet-platforma joq. Sony jasap jatyrmyz. Saıttyń maqsaty – jastar tutynatyn memlekettik tildegi medıa kontentterdiń sapasyn arttyrý, jastardyń memleket qurylymyndaǵy mańyzdy rólin aıqyndaıtyn, eńbegi men shyǵarmashylyǵyn nasıhattaıtyn aqparat úlesin ulǵaıtý», - dedi joba jetekshisi Edilbek Dúısenov.
www.mangystauzhastary.kz – Mańǵystaý oblystyq Jastar resýrstyq ortalyǵynyń portaly. Ol óńir jastarynyń tynys-tirshiliginen málimetter beredi. Atalǵan medıaresýrs ınteraktıvti quraldardy paıdalana otyryp, sapaly kontent berýdi kózdep otyr.