Mańǵystaý oblysynda «Jas tulpar» syılyǵy tabystaldy
Óńirdegi memlekettik jastar saıasaty salasynyń damýyna úles qosyp, san túrli salanyń tizginin ustaǵan jastardy yntalandyrý maqsatynda ótken saltanatty jıynǵa Qazaqstan Respýblıkasy Premer-Mınıstriniń orynbasary Berdibek Mashbekuly Saparbaev qatysty.
Saltanatty shara barysynda Qazaqstan Respýblıkasy Premer-Mınıstriniń orynbasary Berdibek Saparbaev jastarǵa arnalǵan memlekettik baǵdarlamalardyń tıimdiligin sóz ete otyryp, mańǵystaýlyq jastarǵa ystyq yqylasyn jetkizdi. Úzdik jastarǵa dástúrli «Jas tulpar-2019» Mańǵystaý oblystyq jastar premııasyn tabys etti.
«Mańǵystaý maqtanyshy» arnaıy nomınatsııasymen qazaq estradasynyń jas ánshisi, «Qazaqstan daýysy» jobasynyń jeńimpazy B.Retbaev, kompozıtor A.Qurmanov, dástúrli ánshi N.Asqanov, sonymen qatar «Boranqul» jaıdarman toby jáne «Ózenmunaıgaz» quramasy marapattaldy.
«Jomart júrek» nomınatsııasyna qaterli isik aýrýyna shaldyqqan balalarǵa arnalǵan qaıyrymdylyq sharalaryn uıymdastyrýshy Erlan Erýbaev, «Beıbit kezeń batyry» nomınatsııasyna Aqtaý qalasynda 10 qabattan sekirmekshi bolǵan áıel adamdy, sonymen qosa Kaspıı teńizine batyp bara jatqan jas qyzdy qutqaryp, jaqyndarymen qaıta qaýyshýyna úles qosqan Tımýr Jumalıev laıyq dep tanyldy.
«Jas tulpar-2019» Mańǵystaý oblystyq jastar premııasynyń konkýrstyq komıssııasynyń sheshimimen:
«Úzdik jas sportshy» nomınatsııasy – Jubatqan Nursultan Manarbekuly;
«Munaı salasynyń úzdik jas mamany» nomınatsııasy -Eşanov Erbolat Myrzageldiuly;
«Úzdik jas jýrnalıst» nomınatsııasy - Mereke Úsembaıuly Mýsaev;
«Úzdik volonter» nomınatsııasy -Taıjanov Nurlyǵasyr Janabaıuly;
«Jas aqyn» nomınatsııasy – Dúısenov Edilbek Medetuly;
«Jas daryn» nomınatsııasy – Masjanov Serijan Serikuly;
«Jas ónertapqysh» nomınatsııasy - Qýanova Aınur Aısaqyzy;
«Jas kóshbasshy» nomınatsııasy – Qurmanǵalıev Ǵanı Dáýletkereıuly
Esterińizge sala keteıik, óńirde «Jas tulpar» Mańǵystaý oblystyq jastar premııasyn tabystaý sharasy 2010 jyldan beri dástúrli túrde uıymdastyrylyp keledi.