Mańǵystaý oblysynda jalǵan dıplommen jumys istep júrgen muǵalimder anyqtaldy

AQTAÝ. QazAqparat – Mańǵystaý oblysynda 9 muǵalim mektep oqýshylaryn jalǵan dıplomdarmen oqytqan. Bul týraly oblystyq prokýratýranyń baspasóz qyzmeti málim etti, dep habarlaıdy QazAqparat tilshisi.

«Máselen, Aqqudyq orta mektebiniń eńbekke baýlý muǵalimi jalǵan dıplommen jumys jasaǵany úshin Qazaqstan Respýblıkasy Qylmystyq kodeksiniń 385-baby 3-bóligi boıynsha jaýapqa tartyldy. Qaraqııa aýdandyq sotynyń sheshimi boıynsha muǵalimge jaza túrinde 25 aılyq eseptik kórsetkish mólsherinde aıyppul salyndy», - delingen baspasóz málimetinde.

Sondaı-aq Aqtaý qalasynyń 2 mektebinde qazaq tili men ádebıeti páni muǵaliminiń, Jańaózendegi 3 mektepte orys tili men bastaýysh synyp muǵalimderiniń, Munaıly jáne Beıneý aýdandarynda bastaýysh synyp muǵalimderiniń jalǵan dıplommen sabaq bergeni anyqtalǵan.

Atalǵan faktiler boıynsha tergeý jumystary júrgizilip jatyr.

Foto: lada.kz