Mańǵystaý oblysynda zań buzǵan sheteldikter 13 mln teńge aıyppul tóledi
14:58, 13 Qyrkúıek 2022
AQTAÝ. QazAqparat – Mańǵystaý oblysynda jyl basynan kóshi-qon zańnamasyn buzǵan sheteldikterden 13 mıllıon teńgeden astam aıyppul óndirildi. Bul týraly óńirlik Polıtsııa departamentinen málim etti, dep habarlaıdy QazAqparat tilshisi.
«2022 jyl bastalǵaly el aýmaǵynda bolý zańnamasyn buzǵan jáne ózge de ákimshilik quqyq buzý faktileri úshin 5 myńnan astam sheteldik jaýapkershilikke tartyldy. Tártip saqshylary ákimshilik jaýapqa tartylǵan sheteldikterden 13 mln 465 myń 239 teńge kóleminde aıyppul óndirdi», - delingen baspasóz málimetinde.
Sondaı-aq 407 sheteldik el aýmaǵynan shyǵarylǵan. Al alıment tóleýden jaltaryp júrgen izdestirýdegi 95 azamattyń 78-i anyqtaldy.
Budan bólek tirkeýde turǵan 115 boryshkerdiń 93-i jaýapqa tartyldy.