Mańǵystaý oblysynda sý tuşylandyratyn 9 zaýyt salynady
«Turǵyn úı jáne ınjenerlik-kommýnıkatsııalyq ınfraqurylymdy damytý salasynda «Jańaózen-Aqtaý» gaz qubyrynan magıstraldyq gaz qubyry jáne «Beıneý-Jańaózen» magıstraldyq gaz qubyrynyń ekinshi tarmaǵy salynady. Sondaı-aq, 118 shaqyrym elektr jelisi, 74,4 shaqyrym jylý jelisi jáne 508 shaqyrym gaz qubyry salynady jáne jańǵyrtylady. 4 mln sharshy metr turǵyn úı, onyń ishinde 220 myń sharshy metr jalǵa beriletin turǵyn úı salý boıynsha jumys jalǵasady, bul shamamen 33 myń adamdy turǵyn úımen qamtamasyz etýge múmkindik beredi», - dedi vedomstvo basshysy.
Sondaı-aq, ol óńir turǵyndaryn aýyz sýmen qamtamasyz etý úshin jalpy qýaty táýligine 260 myń tekshe metr bolatyn 9 tuşylandyrý zaýyty salynatynyn jetkizdi.
«Sondaı-aq, 844 shaqyrym sýmen jabdyqtaý jáne 949 shaqyrym sý burý jelileri salynady jáne rekonstrýktsııalanady. 1059 shaqyrym avtojol salý, rekonstrýktsııalaý jáne jóndeý josparlanyp otyr. Bul joldardyń jaqsy jáne qanaǵattanarlyq jaǵdaıdaǵy deńgeıin 100%-ǵa deıin jetkizýdi qamtamasyz etedi», - dedi mınıstr.