Mańǵystaý oblysynda soǵys ardagerlerine 1 mln teńgeden berildi

AQTAÝ. QazAqparat - Búginde Mańǵystaý oblysynda Ekinshi dúnıejúzi soǵysynyń alty ardageri turady. Uly Jeńis merekesine oraı árqaısyna 1 mıllıon teńgeden berildi, dep habarlaıdy QazAqparat tilshisi.

Bir jolǵy materıaldyq kómek basqa sanattaǵy tulǵalarǵa da qarastyrylǵan.

Mysaly, Lenıngrad qorshaýynda bolǵan eki azamatqa 120 250 teńgeden, Aqtaý qalasynda turatyn 394 tyl eńbekkerine 96 200 teńgeden, aýdandarda turatyn 325 tyl eńbekkerine 40 AEK beriledi.

Soǵys jyldarynda ekinshi ret neke qurmaǵandar, jesirlerge Aqtaý qalasy boıynsha 120 250 teńge, aýdandarda 40 AEK teńgeden tólenedi.

Sonymen qatar, Ekinshi dúnıejúzi soǵysy jyldarynda tylda minsiz eńbek etkenderge Aqtaý qalasy boıynsha 96 200 teńge, aýdandarǵa 40 AEK beriledi.

Basqa memleketterdiń aýmaǵynda urysqa qatystan ardagerlerge de jeńis kúnine oraı qala boıynsha 120 250 teńge, aýdandarǵa 50 AEK tólenedi.

Al, áskerı qyzmette múgedek bolǵan qatysýshylarǵa Aqtaý qalasy boıynsha 144 300 teńgeden, aýdandarda 60 AEK kómek kórsetiledi.