Mańǵystaý oblysynda sáýirde 3 mektep karantınge jabyldy

AQTAÝ. QazAqparat - Mańǵystaý oblysynda 3 mektep karantınge jabyldy, dep habarlaıdy QazAqparat tilshisi oblystyq bilim basqarmasynyń baspasóz qyzmetine silteme jasap.

Aqtaý qalasyndaǵy ІT lıtseıi, №7 mektep-lıtseıi jáne Mańǵystaý aýdanyndaǵy B. Jumalıev atyndaǵy orta mektep jumysyn ýaqytsha toqtatqan.

2021 jyldyń 1 sáýirinen bastap jalpy bilim beretin mektepterde barlyq synyptardyń oqýshylary úshin synyptardaǵy balalar sanyn 25 adamnan asyrmaı aralas formatta oqytý (pánderdiń 70%-y mektepte, 30%-y onlaın oqytylady) júrgizilýde.

Synyptyń tolymdylyǵy – 25 bala, sabaqtyń uzaqtyǵy – 40 mınýt. Mektep formasy talap etilmeıdi.

Aıta keteıik, óńirdegi barlyq 158 bilim berý uıymy sanıtarııalyq-epıdemıologııalyq talaptarǵa sáıkes qajetti quraldarmen qamtamasyz etildi (teplovızor, sanıtaızer, kvarts lampalary). Aldaǵy ýaqytta arnaıy jabdyqtardy satyp alýǵa qosymsha qarjy qaraldy.