Mańǵystaý oblysynda nóser jaýyn: aýyldardy sý basyp, sportzal shatyry búlindi

AQTAÝ. QazAqparat –Áleýmettik jeliler men messendjerlerde Mańǵystaý oblysynyń ár aýmaǵynda túsirilgen vıdeolar tarap jatyr, kadrlardan nóser jańbyrdyń saldaryn kórýge bolady. QazAqparat bul týraly inaktau.kz-ke silteme jasap habarlaıdy.

Máselen, Jańaózendegi dene shynyqtyrý-saýyqtyrý kesheni jańbyr sýyna tótep bere almaǵan. Sportzaldyń shatyrynan sý sorǵalap tur.

Kósheler men joldarda jınalǵan sýdan júrý múmkin emes.

Jańaózen qalasynyń ákimdiginen málim etkendeı, Rahat jáne Teńge aýyldaryn sý basqan.

Qazirgi ýaqytta kommýnaldyq qyzmetter sýdy sorý jumystaryn júrgizip jatyr. Jaǵdaıǵa baılanysty jumysty kezekshilikpen jáne túngi ýaqytta jalǵastyrý josparlanyp otyr.