Mańǵystaý oblysynda munaı qaldyqtaryn tókken kompanııaǵa 60 mln teńge aıyppul salyndy

AQTAÝ. QazAqparat – Mańǵystaý oblysy boıynsha ekologııa departamenti Qaraqııa aýdany turǵyndarynyń shaǵymynan keıin «VOID» mekemesine jospardan tys júrgizgen tekserýdiń nátıjelerin jarııalady, dep habarlaıdy QazAqparat tilshisi.

Jergilikti turǵyndardyń shaǵymyna baılanysty ekologtar oqıǵa ornyna baryp, onda munaı qaldyqtarynyń tógilgenin rastady. Zaqymdalǵan aýmaqtan topyraq synamalary alynǵan. Synama nátıjeleri boıynsha zańǵa sáıkes zalaldyń esebi júrgizildi.

«Tekserý barysynda QR Ekologııalyq Kodeksiniń 87, 106, 238 jáne 320-baptarynda kózdelgen talaptardyń buzylǵany anyqtaldy. Kásiporyn ákimshilik jaýapkershilikke tartyldy. Ol 59 mln 728 myń teńge kóleminde aıyppul tóleıdi», - delingen departament málimetinde.

Aıta ketsek, tekserý Ekologııa, geologııa jáne tabıǵı resýrstar mınıstrliginiń erekshe baqylaýynda boldy.

Buǵan deıin óńirdegi Qaraqııa-Qarakól memlekettik zoologııalyq qaýmalynyń bóligi – Qarakól kóline quıylyp jatqan qara tústi suıyqtyqtan synama alynǵan edi.