Mańǵystaý oblysynda ken ornynda munaı atqylady

AQTAÝ. QazAqparat - «QazMunaıGaz» UK AQ málimetinshe, Mańǵystaý oblysyndaǵy Shyǵys Bekturly barlaý blogynda geologııalyq barlaý jumystaryn júrgizý barysynda munaı atqylaǵan, dep habarlaıdy QazAqparat.

12 mm shtýtserde táýligine 100 m3 deıingi debıtpen burqaqty munaı aǵyny (munaıdyń úles salmaǵy – 0,82-0,85 g/sm3) orta ıýra dáýiri qabatynan alyndy.

Budan bólek, munaı aldyńǵy synaq nysandarynan orta jáne tómengi ıýra qabattarynyń synamalaryn irikteý jolymen alynǵan bolatyn, sondaı-aq trıas shógindilerinen de kómirsýtektiń belgileri anyqtaldy. Qazirgi ýaqytta munaı-gaz kókjıeginiń erekshelikteri týraly qosymsha aqparat alý maqsatynda uńǵymada kásipshilik geofızıkalyq jáne gıdrodınamıkalyq zertteýler kesheni jalǵasýda.

Shyǵys Bekturly ýchaskesi Mańǵystaý oblysynyń Qaraqııa aýdanynda ÓzenQaramandybas, Jetibaı, Bekturly, Shyǵys Jetibaı, Aqtas jáne basqa da qoldanystaǵy munaı-gaz ken oryndaryna jaqyn mańda ornalasqan.

QMG jańa ken oryndardy ıgerýde seriktestermen ózara yntymaqtastyq barysynda kerrı-qarjylandyrý talaptaryn ustanatynyn atap ótken jón. ıAǵnı, geologııalyq barlaý jumysynyń shyǵyny seriktes uıymǵa júkteledi.

Geologııalyq barlaý jumysy oń nátıje berse, seriktes uıym jumsalǵan shyǵynnyń ornyn munaı óndirý esebinen toltyrady.