Mańǵystaý oblysynda «QazAzot» kásipornynda aýaǵa gaz atqylady

AQTAÝ. QazAqparat - Mańǵystaý oblysynda «QazAzot» AQ kásipornynda aýaǵa gaz bólingen, dep habarlaıdy QazAqparat oblystyq ekologııa departamentine silteme jasap.

21 shilde kúni 19:11 shamasynda Mańǵystaý oblysy boıynsha ekologııa departamentine «QazAzot» AQ-dan shuǵyl habar túsken.

Onda № 4 agregatty iske qosý protsesinde SAK tsehynda absorbtsııa baǵanyna sý berý jelisinde bekitý armatýrasynyń plashkasy keptelip qalǵany jáne baǵanǵa tuzsyzdandyrylǵan sýdyń shekteýli berilýiniń saldarynan ǴTR buzylǵany aıtylady.

Sonyń saldarynan 5 mınýt boıy atmosferaǵa nıtrozdy gaz bólingen.

Mańǵystaý oblysy boıynsha ekologııa departamenti «QazAzot» AQ-ǵa jospardan tys tekserý júrgizedi.

Sonymen qatar zańda belgilengen tártippen qajetti sharalar qabyldanady.

«Atqarylǵan jumystyń nátıjesi qosymsha habarlanady» dep málimdedi departament.