Mańǵystaý oblysynda ǵasyr jasaǵan áje referendýmda daýys berdi

BEINEÝ. QazAqparat - Beıneý aýdanynda ǵasyr jasaǵan áje búkilhalyqtyq referendýmǵa qatysyp, jastarǵa batasyn berdi, dep habarlaıdy QazAqparat qoǵamdyq kommýnıkatsııa ortalyǵyna silteme jasap.

Syrǵa Tileýbaıqyzy 1922 jyly 1 qańtarda Maǵystaý oblysynyń Beıneý aýdanynda dúnıege kelgen.

Bıyl áje 100 jasqa toldy.

Beıneý halqyna «ǵasyr áje» degen atpen tanymal keıýana óz ýchaskesine baryp, el ıgiligi úshin daýysyn berdi.

-Jastardyń bastamasy oń bolsyn. Elimiz aman, jurtymyz tynysh bolsyn. Men ómirimde qıyndyqtyń bárin kórdim, endi myna jastar qıyndyq kórmegeı. Soǵys pen asharshylyq bolmaǵaı. Táýelsizdigimiz máńgi bolsyn! – dep Syrǵa Qalıeva batasyn berdi.