Mańǵystaý oblysynda birinshi jartyjyldyqta munaı óndirý kólemi tómendedi
Mańǵystaý oblysy Ekonomıka jáne bıýdjettik josparlaý basqarmasynyń basshysy Halıla Nurǵalıevanyń aıtýynsha, munaı óndiretin «Mańǵystaýmunaıgaz» AQ 2017 jylǵy birinshi jartyjyldyqta munaı óndirýdi ótken jylǵy osy kezeńmen salystyrǵanda, 0,2 paıyzǵa ulǵaıtty. Óndirilgen munaı kólemi 3 132 800 tonna.
«Sonymen qatar Túpqaraǵan aýdanyndaǵy Soltústik Bozashy munaı ken ornyn ıgeretin «Vuzachi Operating Ltd.» kompanııasynyń fılıaly 2017 jylǵy birinshi jartyjyldyqtyń nátıjesi boıynsha munaı óndirýdi ótken jylǵy osy kezeńmen salystyrǵanda 7,4 paıyzǵa tómendetti. Óndirilgen munaı kólemi - 703 900 tonna», - dep habarlady Halıla Nurǵalıeva.
Tutastaı, Mańǵystaý oblysynda 2017 jylǵy birinshi jartyjyldyqtyń nátıjesi boıynsha 8 889 000 munaı óndirildi. Bul 2016 jylǵy osy kezeńmen salystyrǵanda, 1,2 paıyzǵa kem.