Mańǵystaý oblysynda betashar jasaǵan áıelge úkim shyqty
13:13, 15 Sáýir 2020
AQTAÝ. QazAqparat – Mańǵystaý oblysynda betashar jasaǵan turǵynǵa sot úkimi shyqty, dep habarlaıdy QazAqparat tilshisi.
Mańǵystaý aýdany Ońdy aýylynyń turǵyny 26 naýryz kúni kelin túsirip, úı aýlasynda 40-qa jýyq adamǵa betashar jasaǵan bolatyn.
Tótenshe jaǵdaı rejımin buzǵan áıelge qatysty ákimshilik is Mańǵystaý aýdandyq sotynda qaraldy. Sot «TrueConf» mobıldik qosymshasy arqyly onlaın rejıminde ótti.
Ol QR Ákimshilik quqyq buzýshylyq týraly kodekstiń 476-babynyń 6-tarmaqshasymen kináli dep tanylyp, 10 aılyq eseptik kórsetkish mólsherinde, ıaǵnı 27 780 teńge aıyppul tóleýge jazalandy.