Mańǵystaý oblysynda balyq ónerkásibimen aınalysatyndar 23 paıyzǵa artty
Kaspıı teńizi jaǵalaýynda ornalasqan Mańǵystaý óńiriniń balyq sharýashylyǵy salasyn damytýǵa bıyl 20 mln teńge bólinip otyr.
2022 jyldyń shildesinen 8974 tonna kvota bólinip, onyń 2000 tonnasy iske asyrylǵan. Sondaı-aq byltyr memlekettik qoldaý aıasynda berilgen 10 mln teńgeniń 9 mln teńgesi ıgerilgen.
«2022 jylǵa akvaósirý óniminiń ónimdiligi men sapasyn arttyrýǵa, sondaı-aq asyl tuqymdy balyq ósirýdi damytýǵa memleket tarapynan 10 500 000 teńge qarajat bólingen bolatyn. 9 600 000 teńgesi ıgerildi», - dedi Mańǵystaý oblystyq Balyq sharýashylyǵy basqarmasynyń akvaósirý jáne sýbsıdııalaý bóliminiń basshysy Ǵabıt Balǵabaev.
Kásipshilik balyq aýlaý aýmaǵy teńiz jaǵalaýymen 6 balyq sharýashylyǵy aýdanyna, onyń ishinde 33 ýchaskege bólingen. Onyń 18-i Túpqaraǵan aýdany, al 8-i Qaraqııa aýdanyna tıesili. Qazirgi tańda 7 ýchaske rezervte tur.
«2021 jyly kásipshilik kúsh-jigeri boıynsha 121 brıgada, 610 balyqshy tirkelgen edi. Al qazirgi tańda 162 brıgada, 793 balyqshy tirkelgen, ıaǵnı onyń aldyńǵy jylmen salystyrǵanda 23 paıyzǵa artty», - dedi Mańǵystaý oblystyq Balyq sharýashylyǵy basqarmasynyń bas mamany Abzal Baqytjanuly.