Mańǵystaý oblysynda aýyldaǵy kóshege Álıhan Bókeıhanovtyń esimi berildi

AQTAÝ. QazAqparat - Mańǵystaý oblysynyń Beıneý aýylyndaǵy kóshelerdiń birine Alash qozǵalysynyń kósemi Álıhan Bókeıhanovtyń esimi berildi, dep habarlaı QazAqparat tilshisi.

Beıneý aýdandyq ishki saıasat jáne tilderdi damytý bóliminiń basshysy Marat Bolysovtyń aıtýynsha, oblystyq onomastıka komıssııasy aýdan kóleminde eskirgen jáne qaıtalama ataýlary bar kóshelerdi qaıta ataý sheshimin qabyldady.

«Tarıhı tulǵalardyń esimderimen kóshe ataýy jańarady. Osy oraıda, Beıneý jáne Aqjigit aýylyndaǵy kóshelerge jańa ataý berildi. Máselen, M. Hıbas kóshesimen baǵyttas ornalasqan Mádı Begenov kóshesi endi Álıhan Bókeıhanov kóshesi bolyp belgilendi. Bul aqparattyń barlyǵy oblystyq onomastıka komıssııasyna aldyn ala jiberilip, kóshe ataýyn ózgertýge ruqsat berildi», - dedi Marat Bolysov.