Mańǵystaý oblysynda 13 týrıstik joba júzege asady
Týrıstik salany damytýdyń memlekettik baǵdarlamasy sheńberinde Mańǵystaý oblysy Respýblıkanyń perspektıvaly týrıstik óńirleriniń úzdik 10-dyǵyna endi. Qazirgi ýaqytta óńirde teńiz kýrorty, Kaspıı teńiziniń jaǵalaýyndaǵy jaǵajaı týrızmin damytýǵa basymdyq berilýde.
Elbasynyń 2018 jylǵy tamyzdaǵy Aqtaý zamanaýı teńiz kýrortyna aınalýy tıis degen tapsyrmasynan keıin óńirdiń týrızmi men ınjenerlik-kólik ınfraqurylymyn damytýǵa úlken kóńil bólindi.
Qazaqstan Respýblıkasy Úkimetiniń qoldaýymen ınfraqurylymdy odan ári damytý nátıjesinde jergilikti kásipkerler jańa týrıstik bastamalardy iske asyrý shin zor múmkindikke ıe boldy.
Injenerlik-kólik ınfraqurylymyn belsendi damytýdyń arqasynda 2020 jylǵy shildede ınvestıtsııalar kólemi 60 mlrd teńgeden asatyn «Rixos Water World Aktau» kópfýnktsıonaldy týrıstik-qonaq úı kesheni iske qosyldy.
2004 – 2020 jyldar aralyǵynda óńirge kelgen týrıster sany 2,5 mln asqan. Onyń 2 mln-daıy el azamattary (ishki týrızm deńgeıiniń kórsetkishi), qalǵan 500 myńnan astam adam sheteldik týrıster.
2021 jyldyń 1 jartyjyldyǵynyń qorytyndysy boıynsha óńirge saıahattap kelýshiler sany 139 myń adamdy qurady, bul 2020 jyldyń sáıkes kezeńimen salystyrǵanda 3,1 ese ósti. Al 2020 jyldyń qańtar-maýsymy aralyǵynda– 45 myń adam boldy.
«Týrıstik áleýetimizdi arttyrýdyń taǵy bir mańyzdy baǵyttary - ekologııalyq týrızmdi, kıeli jerlerdi, mádenı týrızmdi, sondaı-aq sý oıyn-saýyqtaryn damytý bolyp tabylady. Jalpy, óńirdegi týrızm salasy boıynsha 2021-2025 jyldar kezeńinde myńnan astam jumys oryndaryn qura otyryp, jalpy somasy 300 mlrd.teńgeden asatyn 13 jobany iske asyrý josparlanǵan. Jergilikti kompanııalardyń qatysýymen 2022-2024 jyldar kezeńinde 8 jobany iske asyrý josparlanýda. Qonaq úı bıznesi salasyndaǵy jańa ınvestıtsııalyq jobalardy iske asyrý pysyqtalýda. Oblys ákimdigi týrızmdi damytý boıynsha odan ári sharalar qabyldaýǵa qatysty joǵary turǵan basshylyqtyń tapsyrmalaryn oryndaýdy turaqty baqylaýda ustaıtynyn atap ótkim keledi», -dedi oblys ákiminiń orynbasary Bekbol Orynbasarov.