Mańǵystaý oblysynda 1 tonnadan astam bekire tuqymdas balyq tárkilendi
«2022 jyl boıynsha tabıǵat qorǵaý zańnamasyn buzýdyń 39 deregi tirkeldi. Atap aıtqanda, ósimdikterdiń nemese janýarlardyń sırek kezdesetin jáne joıylyp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý boıynsha – 30 qylmys, balyq resýrstaryn, basqa da sý janýarlaryn nemese ósimdikterin zańsyz alý deregine sáıkes 7 qylmys tirkeldi», - delingen Mańǵystaý oblystyq Polıtsııa departamenti baspasóz qyzmetiniń málimetinde.
Sonymen qatar qarý, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý boıynsha 1 fakti anyqtalǵan.
Jyl basynan 241 azamat ákimshilik jaýapkershilikke tartyldy.
Aıta keteıik, osyǵan deıin Fort-Shevchenko tasjolynda kele jatqan kólikten 152 keli bekire balyǵy tabylǵanyn jazǵan edik.
Foto: xcook.info