Mańǵystaý oblysyna bir jylda 30 myńnan astam adam kóship barǵan
Byltyr óńirge qonys aýdarǵandardyń resmı sany – 32 462 adam. Bul 2021 jylmen salystyrǵanda 2,9% joǵary. Onymen bir mezgilde ótken jyly Mańǵystaý oblysynan 29 892 adam kóship ketken, onyń 9521-i Aqtaý qalasynan, 7951-i Munaıly aýdanynan, 5384-i Jańaózen qalasynan.
«Kóship kelgenderdiń basym bóligi Aqtaý qalasyna qonystanǵan. Shaharda 3391 adamǵa ósim bolǵan. Jalpy kóshi-qon aǵyny oblystyń úsh aýdanynda Beıneý, Qaraqııa, Mańǵystaýda baıqaldy», - deıdi Statıstıka departamentiniń basshysy Rımma Ýtıýsheva.
Elden tys kóshi-qon boıynsha oblystyń negizgi mıgratsııalyq almasýy TMD memleketterimen júrgen. TMD elderinen kóship kelgenderdiń úlesi 96,3% bolsa, ketkender 90,5% quraǵan. Olar Reseı, Túrkimenstan jáne Ózbekstan elderi.
Mańǵystaý oblysyna 2022 jyly TMD jáne basqa elderden turaqty turýǵa 3391 adam kelgen, onyń ishinde TMD elderinen – 3266 adam, ózge memleketterden – 125 adam.