Mańǵystaý oblysyn suıytylǵan gazben qamtamasyz etýde irkilister bolmaıdy
Buǵan deıin «QazGÓZ» JShS-da 2021 jylǵy 16 maýsymda saǵat 22:15-te Kompressorlyq tsehtyń aýa tońazytqyshy konstrýktsııasynyń órtengenin habarlaǵan bolatynbyz.
Órt saldarynan gradırnıa konstrýktsııasynyń bir bóligi isten shyqty, negizgi jabdyq (kompressorlyq jabdyq) zardap shekken joq. Gradırnıany qalpyna keltirý boıynsha avarııalyq-jóndeý jumystary bastaldy.
QazGÓZ boıynsha oqys oqıǵany tekserý týraly buıryq shyǵaryldy, órt saldaryn joıý boıynsha jedel shtab quryldy.
Zaýyttyń daıyn ónim qoımalaryndaǵy suıytylǵan munaı gazynyń mólsheri óńirdiń qajettiligin shamamen eki táýlikke (shamamen 1,2 myń tonna) qamtamasyz etedi.
Sondaı-aq, Mańǵystaý oblysy ákimdiginiń jedel aqparaty boıynsha óńirde saqtaý bazalarynda suıytylǵan gazdyń taǵy úsh táýlikke jetetin qaldyǵy bar (shamamen 1,5 myń tonna).
Budan basqa, qajettilik týyndaǵan jaǵdaıda Atyraý munaı óńdeý zaýytynan óńirge suıytylǵan gazdy balamaly jetkizýdi júrgizýge múmkindik bar.
Aı saıyn Mańǵystaý oblysyna shamamen 18 myń tonna suıytylǵan gaz bólinedi, onyń ishinde QazGÓZ-den 14,5 myń tonna jáne AMÓZ-den 3,5 myń tonna. Búgingi kúni jedel aqparat boıynsha QazGÓZ-den 8 myń tonnadan jáne AMÓZ-den 1,6 myń tonna astam suıytylǵan gaz jóneltildi.
Zaýyt jumysy jaqyn arada tolyq qalpyna keltiriletin bolady.
Óńirde suıytylǵan gazben qamtamasyz etý boıynsha eshqandaı irkilister bolmaıdy.