Mańǵystaý oblysyn damytýdyń keshendi jospary bekitilmek

AQTAÝ. QazAqparat - Mańǵystaý oblysynda aktıv jıyny ótip, onda Prezıdent bergen tapsyrmalardy oryndaý úshin jaýapty azamattarǵa birqatar naqty mindetter júkteldi, dep habarlaıdy oblys ákiminiń baspasóz qyzmeti.

Jıynǵa tóraǵalyq etken oblys ákimi Nurlan Noǵaev Mańǵystaý oblysynyń áleýmettik-ekonomıkalyq damýynyń keshendi josparyn bekitý týraly aıtty.

«Eki apta ishinde Úkimetpen birlese Mańǵystaý oblysynyń áleýmettik-ekonomıkalyq damýynyń keshendi josparyn bekitý mindeti tur. Bul keshendi jospar aldaǵy 5 jylda jasalatyn jumystarymyzdyń basty qujaty bolady. Óńirdegi qordalanǵan máselelerdi sheshý úshin bizdegi bar múmkindikti paıdalanýymyz kerek»,-dedi Nurlan Noǵaev.